10 Downingஇல்
எட்டு ரவுண்டு டகீலா
அப்புறம் கொஞ்சம் ஆட்டம்
எல்லாம் முடித்து
வோலாவில்
தெரேஸாவை அனுப்பி விட்டு
ஆட்டோவில்
வீடு திரும்பிக் கொண்டிருந்தபோது
பக்கத்தில் ஒரு ஆள்
யாரென்று புரியவில்லை
எட்டு ரவுண்டு டகீலாவும்
ஆடியதில் போய் விட்டதே
யார் நீர் என்றதற்குக்
கடவுள் என்று பதில் வந்தது
சமீபத்தில் புதுமைப்பித்தனைப்
படித்து பித்தமாகி விட்டதா
என ஐயத்துடன்
என்னய்யா உளறுகிறீர்
அதெல்லாம் கதையில்தான்
நடக்குமென்றேன்
நிஜத்திலும் நடக்கும்
என்ன வரம் வேண்டும் கேள்
என்றார் கடவுள்
சரி விளையாடுவதிலென்ன
நட்டமென்று பணம் வேண்டும்
என்றேன்
கலி முற்றி விட்டது
எழுத்தாளனுமா இப்படியென
முனகியபடி கொடுக்கிறேன்
ஆனாலொரு நிபந்தனை
என்றார் கடவுள்
என்ன என்றேன்
மது மாது கூடாது
அப்படியானால் உம் பணம் தேவையில்லை
என்று சொல்லி விட்டு
ஆட்டோவை நிறுத்திக்
காசு கொடுத்து விட்டு
நடக்க ஆரம்பித்தேன்
பெஹன்சூத்
கடவுள் கூட
டார்ச்சர் கொடுக்கிறார்