என்னுடைய பட்டியலைக் கண்டு யாரும் மிரளவோ வருத்தப்படவோ கூடாது. ஏனென்றால், அதில் மிக முக்கியமானவர்களின் பெயர்களெல்லாம் விடுபட்டு விடும். சீனியின் பெயர் பட்டியலில் இருக்கிறது. ஆனால் அவரோடு நான் வாரம் ஒருமுறைதான் பேசுவேன். கார்த்திக் பிச்சுமணியுடன் வருடம் ஒருமுறைதான் பேசுவேன். தினமும் பேசுவது கிருஷ்ணமூர்த்தி என்கிற கிருஷ்ணா. அவர் பெயரே பட்டியலில் இல்லை. நேற்று கூட வீடு தேடி வந்தார். சொல்லாமல் திடீரென்று வந்தால் என்னைப் பார்க்க முடியாது. எழுதிக் கொண்டிருக்கும்போது என்னை யாரும் தொடர்பு கொள்ள இயலாது. அதனால் முன்கூட்டியே நேரம் நிர்ணயம் செய்து விட்டுத்தான் வந்தார்.
அவந்திகாவுக்கு இன்று (16 டிசம்பர்) பிறந்த நாள். நாளை மறுநாள் என்னுடைய பிறந்த நாள். அதனால் இரண்டு பை நிறைய தின்பண்டங்களை எடுத்து வந்தார். தின்பண்டம் என்றால் காராசேவு மாதிரி அய்ட்டங்கள் அல்ல. பாதாம், முந்திரி, அக்ரூட் போன்றவை. கூடவே கைலாஷ் கேர் போட்டிருந்த கத்தரிப்பூ நிறச் சட்டை ஒன்றும்.
ஒருநாள் நுங்கம்பாக்கத்தில் உள்ள தாலியா போகலாம் என்றார். இனிமேல் அங்கே செல்வதாக இல்லை என்றேன். அத்தனை விலை நம்மால் கொடுக்க முடியாது. இறக்குமதி வரிகள் அதிகமாகி விட்டதால் விலை இரட்டிப்பாகி விட்டது. ஆனாலும் எனக்கு ஜப்பான் மற்றும் தாய்லாந்து உணவு வகைகள் ரொம்பவும் பிடிக்கும் என்பதால் அப்படி ஏதாவது இடம் தேடிப் போகலாம். பதினெட்டு அல்லாமல் வேறொரு நாள் போகலாம் என்று நினைத்துக் கொண்டேன். இத்தனைக்கும் கிருஷ்ணா டீடோட்டலர் மற்றும் சைவம். முரண் நகை என்னவென்றால், ஜப்பானில் பல ஆண்டுகள் வாழ்ந்தவர்.
ஔரங்கசீப் பற்றி என்ன கேள்வி என்று ப்ரஸன்னா அமெரிக்காவிலிருந்து கடிதம் எழுதியிருந்தார். இதுதான் அவர் கடிதம்:
டியர் சாரு,
அந்தச் சந்தேகம் என்ன என்று ஒரு முறை எம்மிடமும் சொன்னீர்களானால்… யாமும் தொடர்ச்சியாகப் படித்துக் கொண்டுதான் உள்ளோம்.
முன்பு ஒரு முறை உங்களுடைய நண்பர்கள் இவனையெல்லாம் ஒரு ஆள் என்று மதிக்கிறீர்களே என்று கேட்டனர் என்கிற தொனியில் எனக்கு எழுதியிருந்தீர்கள். அதனால்தான் உங்களுடைய பட்டியலில் என் பெயர் வரவில்லை போல? விலக்கியாகி விட்டதா?
ப்ரஸன்னா
இதோ இந்த வாக்கியத்தை எழுதிக் கொண்டிருக்கும்போதுதான் அன்னபூர்ணியின் ஞாபகமே வருகிறது. எனக்கு எத்தனையோ ஆண்டுகளாக உணவு வழங்கும் தோழி. அவர் இல்லாவிட்டால் நான் பல வேளைகள் பட்டினி கிடந்திருப்பேன். அவர் பெயரை வெளியே சொன்னால் சங்கடப் படுகிறார் என்பதால் அன்னபூர்ணி என்ற புனைப்பெயர் வைத்து விட்டேன். அவர் ஒரு முகநூல் பிரபலம் என்பதால் பெயர் சொல்ல பயப்படுகிறாரோ தெரியவில்லை. அவர் பெயரையே பட்டியலில் போட மறந்து விட்டேன்.
சரி, ஔரங்கசீப் நாவல் பற்றிய என் கேள்வி என்னவென்றால், அதைத் தொடர்ந்து எழுதவா? நிறுத்தி விடவா? உங்களுக்கு அந்த நாவல் அலுப்பூட்டுகிறதா?
இதுவரை எனக்கு எழுதிய நண்பர்கள் தொடர்ந்து எழுதச் சொல்லி வற்புறுத்தினார்கள். ப்ரஸன்னாவும்தான்.
ப்ரஸன்னா சொன்ன இன்னொரு யோசனை பிரமாதமாக இருந்தது. ஔரங்கசீப்பை பாகம் பாகமாக வெளியிடலாமே?
***
வாசக சாலை அமைப்புக்கு நன்றி. முகமூடிகளின் பள்ளத்தாக்கு நாவலுக்கு மொழிபெயர்ப்பு விருது கிடைத்துள்ளது. இந்த 18ஆம் தேதி விழா. தக்கர் பாபா அரங்கத்தில் மாலை ஏழு மணி அளவில் வருவேன். அரை மணி நேரம் இருப்பேன். பிறந்த நாள் என்பதால் அல்ல. ஔரங்கசீப் எழுத வேண்டும். என்னுடைய நண்பர் ஒருவர் சென்ற மாதம் மட்டுமே 1500 பக்கங்கள் எழுதியதாகச் சொல்லி என் வயற்றில் புளி கரைத்திருக்கிறார். தினம் அம்பது பக்கம். நான் தினமும் அஞ்சு பக்கம் எழுதினாலே பெருசு. ஏன் தான் சக எழுத்தாளர்கள் இப்படி டார்ச்சர் செய்கிறார்களோ, தெரியவில்லை.
18 அன்று மாலை யார் என்னை தக்கர் பாபா வரை அழைத்துச் செல்வீர்கள்?
***
சந்தா/நன்கொடை அனுப்புவதற்கான விவரம்:
PayPal மூலம் பணம் அனுப்ப என் மின்னஞ்சல் முகவரி மட்டும் போதும். charu.nivedita.india@gmail.com
Xoom.com மூலம் பணம் அனுப்ப என் முகவரி தேவை எனில் எனக்கு எழுதுங்கள். அனுப்புகிறேன். charu.nivedita.india@gmail.com
Paypal மூலம் அனுப்ப முடியாவிட்டால் Xoom.com மூலமும் அனுப்பலாம். பேபாலின் கிளை நிறுவனம்தான் அது. கூகிள்பே மூலம் அனுப்ப என் தொலைபேசி எண் வேண்டும் என்று நினைக்கிறேன். மின்னஞ்சல் செய்தால் தொலைபேசி எண் தருகிறேன். பொதுவில் போட இயலாது. தொலைபேசி எண் இல்லாமலும் கூகுள்பே மூலம் அனுப்பலாம். அதற்குத் தேவையான என் UPI ID:
இந்த ஒரு விபரம் இருந்தாலே கூகுள்பே மூலம் பணம் அனுப்பி விடலாம். தொலைபேசி எண்ணும் தேவையெனில் எழுதுங்கள்:
கட்டணம் செலுத்துவதற்கான வங்கிக் கணக்கு விவரம்:
UPI ID: charunivedita@axisbank
பெயர்: K. ARIVAZHAGAN
Axis Bank Account No. 911010057338057
Dr Radhakrishnan Road, Mylapore
IFSC No. UTIB0000006
பெயரில் உள்ள K என்பதன் விரிவு Krishnasamy. ஆக்ஸிஸில் அனுப்ப முடியாவிட்டால் என் ஐசிஐசிஐ கணக்கு விபரம் கீழே:
K. ARIVAZHAGAN
ICICI a/c no. 602601 505045
MICR Code: 600229065
IFS Code ICIC0006604
T. NAGAR BRANCH Chennai