அம்புயாதனத்துக் காளி – பிரபு கங்காதரன்

அம்புயாதனத்துக் காளி.  என் நண்பர் பிரபு கங்காதரன் எழுதிய கவிதைத் தொகுப்பு.  ஸீரோ டிகிரி பப்ளிஷிங் வெளியீடு.  சென்னை புத்தக விழாவில் அரங்கம் எண் 696 & 697.  தமிழில் முதல் முதலாக தாந்த்ரீகப் பாலியல் கவிதையாகப் பொங்கிப் பிரவாகம் எடுத்திருக்கிறது.  கவிதையில் ஈடுபாடு இல்லாதவர்கள் கூடப் படிக்க ஏதுவான கவிதைகள்.  இதைப் படிக்காவிட்டால் நீங்கள் ஒரு அற்புதத்தை அனுபவம் காணத் தவறி விட்டீர்கள் என்று அர்த்தம்.   இந்தத் தொகுப்பு பற்றி தேவ சுப்பையா எழுதிய முகநூல் குறிப்பை இங்கே தருகிறேன்:

எனக்கு ஒரு தம்பி இருக்கான். அந்தப் படுவா காளின்ற தலைப்புல நிறைய கவிதைகள பேஸ்புக்ல எழுதிகிட்டே இருந்தான். எழுதணும்னு நினைச்சு ஒக்காந்து எழுதினான்னா ச்சுமம ராவா வந்து விழுந்துகிட்டே இருக்கும் வார்த்தைகள். என்ன ஒண்ணு கொஞ்சம் சோம்பேறி. நாகூர் நினைவுகள்னு இரண்டோ இல்ல மூணோ பாகங்கள் பேஸ்புக்ல எழுதினான். மிரண்டு போய்ட்டேன். துக்கடா பசங்க எல்லாம் பேனாவத் தூக்கிக்கிட்டு நானும் எழுத்தாளன்டான்னு திரியுறானுவோ, இவன் என்னடா இப்படி போட்டு சாத்தி எடுக்குறானேன்னு ஆச்சர்யம்.

போனப் போட்டு எழுதுடா தம்பின்னு சொன்னா சரிண்ணேன்னு நம்மாலாம் என்ன எழுதி அப்டின்னு மழுப்ப வேற செய்வான். சங்கிலி அறுத்தா யானையோட பலம் என்னனு கட்டிக்கிடக்குற யானைக்கு எப்டி தெரியும்னு அடிக்கடி நினைச்சுப்பேன். ஒரு நாள் இந்த சங்கிலில ஆசா பிளேடு போட்டு அறுக்குற வாய்ப்பு கிடைச்சது, லேசா சங்கிலிய அறுத்து யானைய கழட்டி விட்டாச்சு.