Charu Nivedita

கணேச குமாரனின் மிஷன் காம்பவுண்ட்

கணேச குமாரனின் மிஷன் காம்பவுண்ட் சிறுகதைத் தொகுதி வெளியீட்டு விழா நேற்று காலை பதினோரு மணி அளவில் நடந்தது.  நானும் கார்ல் மார்க்ஸும் சரவணனும் சென்றிருந்தோம்.  பத்து மணிக்கு நிகழ்ச்சி என்று சொல்லியிருந்ததால் பப்புவுக்கு மட்டும் உணவு கொடுத்து விட்டு, ஸோரோவுக்கு உணவு கொடுக்க நேரமில்லாமல் ஒன்பதரை மணிக்கே கிளம்பி விட்டேன்.  ஸோரோவுக்கு உணவு கொடுப்பது எளிதல்ல.  பத்துப் பதினைந்து நிமிடம் பிடிக்கும்.  ஒன்பதரைக்குக் கிளம்பினால் பத்து மணிக்கு கே.கே. நகர் (என்ன ஒரு ’அழகான’ பெயர்!) … Read more

காதலர் தினம்

இன்றைய தமிழ் வாழ்க்கை இரண்டு முக்கியமான கற்பிதங்களில் வாழ்ந்து கொண்டிருக்கிறது.  ஒன்று, பழம் பெருமை.  இரண்டு, ஹைப்பர் ரியாலிட்டி என்ற மிகை எதார்த்தம்.  வீரம், காதல், அதிகாரம், பண்பாடு என்று எதை எடுத்தாலும் ஆயிரம் இரண்டாயிரம் ஆண்டுகளுக்கு முன்னே போய் விடுகிறது தமிழனின் சிந்தனை.  இது ஒரு பக்கம் இருக்க, மிகை எதார்த்தம் என்பது நம்முடைய வாழ்க்கையை நாமே வாழாமல் வேறு யாரோ வாழ்வதை திரையில் நிழல்களாகப் பார்த்து  அதை நம்முடைய மண்டைக்குள் திணித்துக் கொண்டு அந்த … Read more

பத்மஸ்ரீ விருது மறுப்பு குறித்து ஜி. கார்ல் மார்க்ஸ்…

ஜெயமோகனை என் உடன்பிறந்த சகோதரனை விட அதிகம் நேசிக்கிறேன்.  பெருமாளைத் துதிப்போரையெல்லாம் துதிப்பேன் என்று சொன்ன ஆழ்வானைப் போன்றதுதான் என் நிலையும்.  இலக்கியம் யாருக்கு தவமாக இருக்கிறதோ அவர் என் போற்றுதலுக்குரியவர்.  அந்த வகையில் நான் ஜெயமோகனை நேசிக்கிறேன்.  என் காலத்தில், என் வயதில் ஜெ. அளவுக்கு இலக்கியத்தையும் தன் மொழியையும் நேசிக்கும் ஒருவரை நான் கண்டதில்லை.  அதனால்தான் அவரை நான் நேசிக்கிறேன் –  எங்களுக்கு இடையிலான ஆயிரத்தெட்டு முரண்பாடுகளுடன்.  அவருக்கு பத்மஸ்ரீ கிடைத்த போது ஜெய்ப்பூரிலிருந்து … Read more

மறுபடியும் முதலில் இருந்து…

குமரகுருபரன் மற்றவர்களைப் போல் இல்லை.  இந்த வாக்கியத்துக்குப் பல அர்த்தங்கள் உண்டு.  ஜெயமோகனின் நண்பர்கள் என்னிடம் நெருங்கிப் பழகுவதில்லை.  அதைவிட என்னை என்னவோ வன ஜந்துவைப் போல் பார்ப்பார்கள்.  ஆனால் குமரகுருபரன் அப்படி அல்ல.  அன்பைத் தவிர அந்த மனிதனிடம் நான் வேறு எதையும் கண்டதில்லை.  சில சமயங்களில் ராக்ஷஸக் குழந்தை போல் பழகுவார்.  ஒரு உதாரணம்.  ஜெயமோகன் ஒரு நாள் இரவு பனிரண்டு மணி போல் தொலைபேசியில் அழைத்திருக்கிறார்.  ஜெ.வுக்கு அது மாலை நேரம்.  ஆனாலும் … Read more

எல்லாமே அப்நார்மல்

கடுமையான பத்திய உணவு.  நீங்கள் சேர்த்துக் கொள்ளும் உப்பில் கால் அளவுதான்.  தியானம்.  நடைப் பயிற்சி.  உடலுக்கு ஊறு விளைவிக்கும் எந்தப் பழக்கமும் இல்லை, ஒன்றே ஒன்றைத் தவிர.  ராப்பகலாகப் படிப்பு.  இன்று டாக்டர் சிவகடாட்சத்திடம் போனேன்.  சோதித்தார்.  எல்லாமே அப்நார்மல்.  சர்க்கரை அளவு கூடுதல்.  கொழுப்பு அளவு கூடுதல்.  ரத்த அழுத்தம் எவ்வளவு என்று சொன்னால் உங்கள் ரத்த அழுத்தம் கூடி விடும்.  மருந்துகளை அதிகப்படுத்திக் கொடுத்தார். எழுதுவதையும் படிப்பதையும் கொஞ்சம் குறைத்தால் ரத்த அழுத்தம் … Read more