புதிய அரங்கம்

நண்பர்களே தமிழ் ஸ்டுடியோவின் வடபழனி அலுவலகத்திற்கு ஏப்ரல் 14ஆம் தேதி குடிபெயரவிருக்கிறோம். வடபழனியில் மிக அருமையான சினிமாவிற்கான ஒரு ஒருங்குகூடலாகவே இந்த அலுவலகம் திகழும். அலுவலகம் என்பதை தாண்டியும், இன்னொரு முக்கியமான பொது பயன்பாட்டிற்கும் இந்த இடம் உதவப்போகிறது. அது பற்றி பின்னர் அறிவிக்கிறேன். ஆனால் இன்னொரு வகையிலும் நண்பர்கள் தமிழ் ஸ்டுடியோ அலுவலகத்தை பயன்படுத்திக் கொள்ளலாம். தமிழ் ஸ்டுடியோவின் அலுவலகத்தில் நாற்பது பேர் வரை அமரக்கூடிய அறை உள்ளது. சிறிய புத்தக வெளியீடு, கூட்டங்கள் நடத்திக் கொள்ள நண்பர்கள் இந்த இடத்தை பயன்படுத்திக் கொள்ளலாம். ஆனால் வாடகையாக 1200 ரூபாய் செலுத்த வேண்டும். தவிர பெரிய அளவிலான புத்தக வெளியீடு, திரையிடல், கூட்டங்கள் எனில் மூன்றாவது தளத்தில் உள்ள குளிரூட்டப்பட்ட அறையை பயன்படுத்திக் கொள்ளலாம். இதன் வாடகை 6500 ரூபாய். இந்த அரங்கில் 150 பார்வையாளர்கள் வரை அமர முடியும். நீங்கள் சென்னைக்கு புதிது, அல்லது கூட்டம் நடத்துவதில் போதிய அனுபவமில்லை என்று நினைத்தால் அந்த கூட்டத்தினை வெற்றிகரமாக தமிழ் ஸ்டுடியோ இயக்கமே நடத்திக் கொடுக்கும். அதற்கு தனியாக கட்டணம் செலுத்த வேண்டும். ஆனால் அது அத்தனை பெரிய தொகை அல்ல, உங்களால் கொடுக்க முடிந்த தொகையாகத்தான் இருக்கும். சென்னையில் கூட்டங்களை சிறப்பாக நடத்திக்கொடுக்க வேண்டியதன் தேவையை நேற்றுதான் உணர்ந்தேன். தவிர தமிழ் ஸ்டுடியோ இயக்கத்திற்கும் பெருந்தொகை ஒவ்வொரு மாதத்திற்கும் தேவைப்படுகிறது. அதனை இப்படித்தான் ஈடுகட்ட முடியும்.

சென்னையில் மிக முக்கியமான வடபழனி கமலா திரையரங்கம் அருகில் இந்த இடம் உள்ளது. எனவே போக்குவரத்துப் பற்றி நண்பர்கள் கவலை கொள்ளத் தேவையில்லை. அனைவரும் எளிதில் வந்து சேரக்கூடிய இடம்தான் இது.