ஒன்பது புத்தகங்கள் என்னென்ன என்பதில் எந்த ரகசியமும் இல்லை. அது பற்றி எழுத எனக்கு நேரமில்லை. தினமணி இணைய இதழில் எழுதி வரும் பழுப்பு நிறப் பக்கங்கள் தொடரில் ஒவ்வொரு எழுத்தாளர் பற்றியும் என் ஞாபகத்திலிருந்து எழுதவில்லை. ஒவ்வொரு எழுத்தாளரின் புத்தகங்களையும் மீண்டும் படித்து விட்டே எழுதுகிறேன். எல்லாம் 30 ஆண்டுகளுக்கு முன்பு படித்தது. இப்போது நான்கு தினங்களுக்குள் காகித மலர்கள், என் பெயர் ராமசேஷன் இரண்டையும் அடுத்த வாரத்தில் ஆதவன் எழுதிய சிறுகதைகளையும் படிக்க வேண்டும். நேரமின்மையின் காரணமாகவே என்னென்ன புத்தகங்கள் என்று எழுத முடியவில்லை. பழுப்பு நிறப் பக்கங்கள் முதல் தொகுதி வரும். அறம் பொருள் இன்பம் வரும். மனம் கொத்திப் பறவை வரும். இன்னும் என்ன? வேற்றுக்கிரகவாசியின் டயரிக் குறிப்புகள், துக்ளக்கில் எழுதிய கட்டுரைத் தொகுதி, நியூஸ் சைரன் பத்திரிகையில் எழுதிய கட்டுரைத் தொகுதி எல்லாம் வரும். அநேகமாக எட்டு புத்தகங்கள் வரும். சிறுகதைத் தொகுதி மட்டும் வர வேண்டியது வராது. நான் தான் தொகுத்துக் கொடுக்கவில்லை. காரணம், என் பெயர் சீஸர் கதையில் இன்னும் கொஞ்சம் சேர்க்க வேண்டியிருக்கிறது. அவ்ளோதான். இப்போது அறம் பொருள் இன்பம் விற்பனையில். அந்திமழை வெளியீடு. கேள்வி பதில் தொகுப்பு.
கேள்வி: பின்நவீனத்துவம் என்பதை இலகுவாய் எனக்கு எவ்வாறு விளங்கப்படுத்துவீர்? (கத்தியில் கம்யூனிசத்துக்குக் கொடுக்கப்படும் விளக்கம் போல் என்றாலும் சரியே.)
பதில்: பழைய வகை எழுத்து Fast Food. ஆற்றுக்குப் போய் தூண்டிலில் மீன் பிடித்து நாமே சமைத்துச் சாப்பிடுவது பின்நவீனத்துவம்.
புரிகிறதா? ஃபாஸ்ட் ஃபூட் வகையில் நமக்கு எந்த வேலையும் இல்லை. எல்லாம் அவர்களே. நாம் வெறுமனே அதை வாயில் போட்டு மெல்ல வேண்டியதுதான். கிட்டத்தட்ட எருமையும் நாமும் ஒன்று. ஆனால் பின் நவீனத்துவம் உங்கள் கற்பனையைக் கோருகிறது. எழுத்தாளன் கொடுக்கும் பிரதியை நீங்கள் வாசித்து, அதிலிருந்து உங்களுக்கான பிரதியை உருவாக்க வேண்டும். அதற்கான திறப்பும் அந்தப் பிரதியில் இருக்க வேண்டும். கட்டாந்தரையில் மீன் பிடிக்க முடியாதே?
பதில்: நான் வணங்கும் மகா அவ்தார் பாபாதான் என்னை அந்த ஆபத்திலிருந்து கடைசி நிமிடத்தில் காப்பாற்றினார். படம் வெளியான மறுநாள் என் நண்பர் கணேஷ் அன்பு, “டிக்கட் இருக்கிறது; வருகிறீர்களா?” என்று கேட்டார். நானும் சரி என்றேன். பிறகுதான் கடைசி நிமிடத்தில் முகநூலில் வந்திருந்த விமர்சனங்களைப் படித்து விட்டு அந்த ராஜ பிளவையிலிருந்து தப்பினேன்.
வெளியீட்டு விழா: ஃபெப்ருவரி 27, 2016, மாலை 6:30, ராஜா அண்ணாமலை மன்றம், பல் மருத்துவக்கல்லூரி அருகில், ஃபோர்ட் ரயில் நிலையம் எதிரில், பிராட்வே.
256 பக்கங்கள், விலை ரூ.200