சென்னை கோடையும் ட்யூரின் குதிரையும்…

கோடை தொடங்கி விட்டது

மனிதர்கள் வியர்வையில் குளிக்கிறார்கள்

குளிக்கும்போதே வியர்க்கிறது

எங்கும் சூடு எதிலும் சூடு

காற்றும் சுடுகிறது

நீரும் சுடுகிறது

இரவும் சுடுகிறது

நிலவும் சுடுகிறது

மனிதர்களும் சூடாகவே இருக்கிறார்கள்

சூடாகவே பேசுகிறார்கள்

எங்கு பார்த்தாலும் அனல் பறக்கிறது

சென்னை எப்போதுமே இப்படித்தானென

அலுத்துக் கொள்கிறார்கள் சென்னைவாசிகள்

ஐரோப்பியப் பனிப்பாலையில் சிக்கிக் கொண்ட

குதிரை ஒன்று

தன் பலத்தையெல்லாம் திரட்டி

இழுத்துச் செல்கிறது

ஒரு வண்டியை