ஐரோப்பிய சினிமா : ஓர் அறிமுகம் நிகழ்ச்சி பற்றி எழுதியிருந்தேன். தொடர்ந்து எழுத முடியாதபடி தியாகராஜா வேலைகள். முன்பு எழுதியிருந்ததை இங்கே மீண்டும் உங்கள் பார்வைக்காகத் தருகிறேன். சில நண்பர்கள் கட்டணம் செலுத்தி பெயர் கொடுத்திருக்கிறார்கள். இன்னும் எட்டு பேர் கட்டணம் செலுத்தாமல் கலந்து கொள்ளலாம். பெயர் மற்றும் விவரங்களை அனுப்புங்கள்.
ஐரோப்பிய சினிமா என் எழுத்து வாழ்வில் மிக முக்கியமான அடிப்படைகளைத் தந்தது. ஜெர்மன் சினிமாதான் என்னை உருவாக்கியது என்று நான் அடிக்கடி சொல்வது வழக்கம். நான் இன்று இப்படி சிந்திப்பதற்குக் காரணம், ஜெர்மன் சினிமாவும் ஃப்ரெஞ்ச் தத்துவமும்தான்.
ஜெர்மன் சினிமாவில் என்னைக் கவர்ந்த ஒரு பெண் இயக்குனர் Helma Sanders Brahms. எக்ஸிஸ்டென்ஷியலிஸமும் ஃபேன்ஸி பனியனும் என்ற என் முதல் நாவலை எழுதியதற்கு எனக்கு முன்னுதாரணமாக எந்தத் தமிழ் எழுத்தும் இல்லை. ஜெர்மன் சினிமா மட்டுமே காரணம். குறிப்பாக, ஜெர்மானியப் பெண் இயக்குனர்கள். அதில் முக்கியமானவர் ஹெல்மா சாண்டர்ஸ் ப்ராஹ்ம்ஸ். அவரது நோ மெர்ஸி நோ ஃப்யூச்சர் என்ற திரைப்படம் 1981இல் வெளிவந்தது. அந்தப் படத்தை அந்த ஆண்டே பார்த்து விட்டேன். அந்தத் திரைப்படம் நமது சினிமா நிகழ்வில் உண்டு. முடிந்தால் பார்த்து விட்டு வாருங்கள்.
***
”வரும் நவம்பர் எட்டாம் தேதி பாண்டிச்சேரியில் உள்ள மணக்குள விநாயகர் பொறியியல் கல்லூரியில் காலை பத்து மணியிலிருந்து மாலை ஆறு மணி வரை ஐரோப்பிய சினிமா பற்றி உரையாற்ற இருக்கிறேன். பதினொன்றரை மணிக்குத் தேநீர் இடைவேளை. ஒரு மணிக்கு மதிய உணவு. மதிய உணவுக்கு ஏற்பாடு செய்யப்பட்டு விட்டது. அதற்காக நீங்கள் சிரமப்பட வேண்டாம். மூன்றரை மணிக்குத் தேநீர் இடைவேளை. ஒன்றரை மணி நேரத்துக்கு ஒருமுறை வாசகர்களுடன் கலந்துரையாடல் நடக்கும். கேள்விகளுக்குப் பதில் தருவேன். ஒரே ஒரு வேண்டுகோள். நீங்கள் கேள்வி கேட்பதாக நினைத்து நீண்ட உரையாற்றக் கூடாது. திருவண்ணாமலையில் அப்படி சில நண்பர்கள் செய்தார்கள். அதில் என்ன பிரச்சினை என்றால், மற்ற பார்வையாளர்கள் அதை விரும்புவதில்லை என்பதுதான்.
குறைந்த பட்ச நன்கொடை 2000 ரூ. மாணவர்களுக்கு 1000 ரூ. எட்டு மாணவர்களுக்கு இரண்டு நண்பர்கள் 8000 ரூ. அனுப்பியிருக்கிறார்கள். ஆகவே, எட்டு மாணவர்கள் எனக்குத் தங்கள் தொலைபேசி எண், பெயர் ஆகிய விவரங்களை அனுப்ப வேண்டும். தவறாமல் நேரில் வர வேண்டும். வரவில்லையானால் மற்றொரு மாணவர் வருவதைத் தடுக்கிறீர்கள் என்று ஆகும்.
நிகழ்ச்சி நடக்கும்போதே ஒளிபரப்பு இந்த முறை சாத்தியம் இல்லை. ஆனால் நேரில் வர முடியாதவர்களுக்கு நிகழ்ச்சியின் ஒளிப்பதிவு அனுப்பி வைக்கப்படும். இதுவரை இருபது பேர்தான் பணம் அனுப்பி பெயர் கொடுத்திருக்கிறார்கள். திருவண்ணாமலையில் 300 பேர் கலந்து கொண்டார்கள். இந்த முறை எண்ணிக்கை குறைவாக இருப்பதற்கு ஒரே காரணம், நான் தான். இந்த நிகழ்ச்சி பற்றி நான் தினந்தோறும் பதிவு போடுவதில்லை. அப்படி பதிவு போட்டு என்னை சாட்டையால் அடித்துக்கொண்டால் முந்நூறு என்ன, நானூறு கூட ஆகும் எண்ணிக்கை. ஆனால் இந்த முறை அப்படி என்னால் செய்ய இயலாது. நான் தியாகராஜா நாவல் எழுதிக்கொண்டிருக்கிறேன். வருவதாக இருந்தால் வாருங்கள். இல்லாவிட்டால் எனக்கு எந்த நஷ்டமும் இல்லை. நான் பேசப்போகும் ஐரோப்பியத் திரைப்படங்கள் பற்றி நீங்கள் வேறு எங்குமே கேட்கவோ படிக்கவோ முடியாது.”
மின்னஞ்சல் முகவரி: charu.nivedita.india@gmail.com
கட்டணம் செலுத்துவதற்கான விவரம்:
ஜி.பே. செய்வதற்கான தொலைபேசி எண்: 92457 35566
பெயர்: ராஜா (ராஜாதான் என் அட்மின். எனவே குழப்பம் வேண்டாம்.)
வங்கி மூலமாக அனுப்புவதாக இருந்தால் அதற்கான விவரம்:
UPI ID: charunivedita@axisbank
K. ARIVAZHAGAN
Axis Bank Account No. 911010057338057
Dr Radhakrishnan Road, Mylapore
IFSC No. UTIB0000006
பெயரில் உள்ள K என்பதன் விரிவு Krishnasamy.
ஆக்ஸிஸில் அனுப்ப முடியாவிட்டால் என் ஐசிஐசிஐ கணக்கு விபரம் கீழே:
K. ARIVAZHAGAN
ICICI a/c no. 602601 505045
MICR Code: 600229065
IFS Code ICIC0006604
T. NAGAR BRANCH Chennai