விசை

ஒரு தொலைக்காட்சி சீரியல்
சுயநலத்துக்காக எத்தனை
கொலைகளையும்
செய்யத் தயங்காத ஒரு
கொடூரனின் கதை
ஏற்கனவே பார்த்திருப்பதாக
ஒரு சம்சயம்
எதுவும் ஞாபகம் இல்லை
எல்லாமே புதிதாயிருந்தது
ஒன்றைத் தவிர
அந்த ரவுடி
தன் எடுபிடியின் மனைவியோடு
கள்ள உறவு வைத்திருப்பான்
அது மட்டும் துல்லியமாய்
நினைவில் இருந்தது

ஆகவே
செக்ஸ்தான் என்னை
இயக்கும் சக்தியென
அறிந்து கொண்டேன்
செக்ஸுக்குத் தடை போடும் தோழி
யாரேனுமிருந்தால்
அதோடு சேர்த்து
எனக்கும்
என் உயிருக்கும்
தடை போட்டால் நலம்
இல்லாவிட்டால்
ஒரு கூர்வாளைக் கொண்டு
ஹராகிரி செய்து கொள்வேன்
உயிர் போகாதெனில்
என் தலை வெட்ட
ஒரு கான்ராக்ட் கில்லரையும்
ரெடி பண்ணி விட்டேன்
அந்த வாள்
ஜப்பானில் வாங்கியது
கடவுளே நேரில் வந்தாலும்
வெட்டிச் சாய்த்து விடும்
அப்படியாவது
வான் காக் போல்
வரலாற்றில் ஓர்
இடம் பிடிப்போமே